Ўзбекистон Президенти Шавкат Мирзиёев Mirzo Ulugbek Innovation Center инновацион маркази ҳузурида Тақсимланган реестр (блокчейн) технологиялари бўйича ваколатли марказни ташкил этишни тасдиқлади, деб ёзади UzDaily.
Ўзбекистон раҳбари 19 февраль куни «Ахборот технологиялари ва коммуникацияларини ривожлантириш вазирлиги фаолиятини ташкил этиш тўғрисида»ги қарорни имзолади.
Ҳужжатга мувофиқ 2018—2019 йилларда АКТни тубдан такомиллаштириш бўйича «йўл харитаси» тасдиқланди.
«Йўл харитаси»га кўра, Ўзбекистонда 2018 йил 1 сентябргача электрон пулларни қонуний тартибга солиш бўйича чора-тадбирларни кўзда тутувчи қонун лойиҳаси ишлаб чиқилади.
Шунингдек, 2018 йил 1 июнгача Mirzo Ulugbek Innovation Center инновацион маркази ҳузурида Тақсимланган реестр (блокчейн) технологиялари бўйича ваколатли марказ ташкил этилади.
Марказ «блокчейн» имкониятларидан фойдаланиш учун шароитларни юзага келтиради, ушбу технологияни ўзлаштиришда кадрлар салоҳиятини ошириш ва маҳаллий ишлаб чиқувчиларни қўллаб-қувватлашни ташкил этади.
Изоҳ (0)