АҚШ аҳолиси 17 киши ҳалок бўлган Флорида мактабидаги отишмадан сўнг полицияга қуролини топширмоқда ёки йўқ қилмоқда. Бу ҳақда «РИА Новости» хабар берди.
KTVB телеканали Айдахо штатидаги Бойсе шаҳри фуқароси полицияга 3 та қурол топширганини маълум қилди. У полицияга келганида ҳуқуқ-тартибот ходимлари топширилган қурол йўқ қилинишини билдирди.
KMOV телеканалига кўра, Флорида фуқароси полицияга ўзининг AR-57 карабинини келтирди.
Нью-Йорк фуқароси AR-15 винтовкасини арралаб ташлаётгани акс этган видео ҳам эълон қилди.
ОАВ бу акциянинг ташаббускори ким бўлгани ҳақида турлича фикр билдирмоқда, бироқ қуролга эгалик қилиш ман этилиши тарафдорлари сони ортиб бораётгани якдил таъкидлади.
Изоҳ (0)