Япония ҳукуматининг маълум қилишича, Пхёнчхандаги қишки олимпиада ўйинлари туфайли қолдирилган АҚШ ва Жанубий Корея ҳамкорлигидаги кенг кўламли ҳарбий машғулотлар олимпиададан сўнг тўлиқ ҳажмда ўтказилади. Бу ҳақда Япония мудофаа вазири Ицунори Онодэранинг сўзларига асосланиб, «ТАСС» хабар бермоқда.
Япония мудофаа вазири АҚШнинг қуруқликдаги қўшини штаби бошлиғи, генерал Марк Милли билан музокара ўтказди.
«Ҳарбий ўқув-машғулотлари ўтказиш юзасидан режалар ўзгаргани ҳақида эшитмадик. Ўйлашимча, ҳаммаси режадагидек ўтказилади», — дейди Марк Милли.
Аввалроқ, Сеул ва Вашингтон ҳар йили ўтказиладиган, барча турдаги қўшинлар иштирокидаги Foal Eagle машғулотлари, шунингдек Key Resolve қўмондонлик-штаб машғулотлари кейинроққа қолдирилганлигини маълум қилган эди.
Изоҳ (0)