Жиноят ишлари бўйича Тошкент вилояти судида 16 февраль куни Ўзбекистон тарихидаги энг машҳур молиявий пирамидани қурган чинозлик Аҳмадбой (Аҳмаджон Турсунбоев) ва унинг шерикларига нисбатан қўзғатилган жиноят иши бўйича навбатдаги суд мажлиси бўлиб ўтди. Мажлисда Аҳмадбойга сўнгги сўз айтиш учун имкон берилди.
Муҳтарам судья, ўртоқ прокурор, мен фуқароларни алдамаганман. Одамлар ўз хоҳиши билан пулларни олиб келган. Мен деҳқончилик, чорва билан, қассобчилик билан шуғулланганман. Шу вақтгача ҳеч қачон фуқароларни алдамаганман. Ўз пулларини ўзлари олиб келган. Мен ҳеч қачон халқни алдамаганман. Бировнинг ҳақини емаганман. Шу ёшимгача бирор инсонни алдамаганман. Лекин, қилган ишимдан пушаймонман.Маълумот учун, Аҳмадбойга қарши Жиноят кодексининг тўрт моддаси бўйича айбловлар илгари сурилган эди: 177-модданинг (валюта қимматликларининг ноқонуний харид қилиниши ёки сотилиши) «а», «б» бандлари, 188-модда (Давлат рўйхатидан ўтмай тадбиркорлик фаолияти билан шуғулланиб, ўта йирик миқдорда назоратсиз даромад олиш), 189-модда (Савдо ва хизмат кўрсатиш қоидаларини бузиш), 190-модданинг (Лицензиясиз фаолият билан шуғулланиш) «а», «в» бандлари.Мақсадим — 20 минг қорамол бўладиган ферма қураётгандим. 1 миллиард товуққа жой қилаётгандим. 100 минг бош қўйга жой қураётгандим. Менинг мақсадим ишлаш эди. 2 минг гектар жойда балиқчилик қилмоқчи эдим. Менинг мақсадим фуқаролар билан ишлаш эди. Мақсадим алдаш бўлмаган. Шу вақтгача ҳеч қачон одамларни алдамаганман. Агар шу вақтгача одамларни алдаганимда, улар мени тинч қўймаган бўларди. Мен ҳеч қачон бировнинг ҳақини емаганман. Лекин қилган ишимдан пушаймонман.
Муҳтарам судья, қилган ишимдан афсусдаман. Президентимиз Шавкат Миромоновичдан кечирим сўрайман. Халқдан кечирим сўрайман. Раҳбарият ходимларидан кечирим сўрайман. Суд ходимларидан кечирим сўрайман. Ўртоқ прокурор, минг бор узр сўрайман. Қилган ишимдан пушаймонман.
Лекин фуқароларни алдамаганман. Мақсадим — ишлаш эди. Мен бировларни алдаб, мол-мулкини олмаганман.
Чинозлик Аҳмадбойнинг суддаги сўнгги сўзи
Аҳмадбойга нисбатан суд ҳукми 19 февраль куни эълон қилиниши кутилмоқда.
Изоҳ (0)