Тожикистон жорий йил март ойидан Ўзбекистонга электр энергияси етказиб беришни бошлаши мумкин. Бу ҳақда мамлакат ҳукуматидаги манба маълум қилди, дея хабар беради Asia-Plus.
Манбага кўра, электр энергияси экспортининг умумий ҳажми йилига 1,5 миллиард киловатт-соатни ташкил этиши мумкин. Ҳозирда Душанбе ва Тошкент электр энергиясини етказиб бериш шартлари, жумладан, нарх масаласини муҳокама қилмоқда.
Мазкур масаладаги якуний қарор Ўзбекистон Президенти Шавкат Мирзиёевнинг март ойи бошларига мўлжалланган Тожикистонга давлат ташрифи давомида қабул қилиниши кутилмоқда.
Маълумот учун, 2017 йили Тожикистонда 18 миллиард киловатт-соатдан ортиқ электр энергияси ишлаб чиқилди.
Изоҳ (0)