Шу кунларда Тошкентнинг Чилонзор туманидаги Бунёдкор ва Чўпонота кўчалари кесишмасидаги замонавий йўлўтказгич қурилиши жадал давом этмоқда, деб хабар беради «Халқ сўзи».
«Ўзбекистон темир йўллари» акциядорлик жамиятига қарашли «Кўприк қурилиш трести» корхонаси томонидан бунёд этилаётган мазкур кўприкдан автомобиллар 6 та қатор бўйлаб ҳаракатланади.
Яқинда Президент танишган мазкур объект қурилиш ишларига 30 дан ортиқ техника воситалари, 200 дан зиёд малакали ишчи-ходимлар жалб қилинган.
Қишнинг ёғин-сочинли кунларига қарамай кўприк қурилиши жадал суръатда олиб борилмоқда, дейилади хабарда.
Изоҳ (0)