Олмаотадан 517 километр масофада, Тожикистон, Қирғизистон ва Хитой чегарасида зилзила қайд этилди, деб ёзади Kazakhstan Today.
Қозоғистон сейсмик тажриба-услубий экспедицияси маълумотларига кўра, 2018 йил 15 февраль куни Олмаота вақти билан 4:30 (Тошкент вақти билан 3:30)да зилзила қайд этилди. Эпицентр Олмаотадан 517 км жануби-ғарбда Тожикистон, Қирғизистон ва Хитой чегарасида жойлашган. Зилзиланинг энергетик синфи — 9,7. Магнитудаси — 4,1. Чуқурлиги — 0 км.
14 февраль куни Олмаота вақти билан 23:14 (Тошкент вақти билан 22:14)да Олмаотадан 378 км шарқда Хитой ҳудудида ҳам зилзила кузатилган, унинг магнитудаси 4,5 га тенг бўлган эди.
Изоҳ (0)