16 февраль куни Ўзбекистоннинг айрим ҳудудларида қор ёғади

16 февраль куни Тошкентда ҳаво ўзгариб туради, ёғингарчилик бўлмайди. Шарқдан секундига 5—10 метр тезликда шамол эсади. Бу ҳақда ЎзА хабар бермоқда.

Андижон, Наманган ва Фарғона вилоятларида ҳаво ўзгариб туради, кечаси ва эрталаб қор ёғиши мумкин. Кундузи ёғингарчилик бўлмайди. Кечаси 2—7 даража совуқ, кундузи 0—5 даража илиқ бўлади.

Қорақалпоғистон Республикаси ва бошқа вилоятларда ҳаво ўзгариб туради, ёғингарчилик бўлмайди. Айрим жойларда туман тушиши мумкин. Шарқдан секундига 7—12 метр тезликда шамол эсади.

Қорақалпоғистон Республикаси ва Хоразм вилоятида кечаси 15—20, кундузи 7—12, Устюрт бўйлаб кечаси баъзи жойларда 20—23 даражагача, кундузи 10—15, Хоразм вилоятида кечаси 10—15, кундузи 2—7 даража совуқ бўлади.

Бухоро ва Навоий вилоятларида кечаси 5—10 даража совуқ, кундузи 1—6 даража илиқ, чўл ҳудудларида кечаси 15—20, кундузи 3—8 даража совуқ бўлади.

Тошкент, Самарқанд, Жиззах ва Сирдарё вилоятларида кечаси 5—10 даража совуқ, кундузи 1—6 даража илиқ бўлади.

Қашқадарё ва Сурхондарё вилоятларида кечаси 0—5 даража совуқ, кундузи 2—7 даража илиқ бўлади.

Республиканинг тоғли ҳудудларида ҳаво ўзгариб туради, вақти-вақти билан қор ёғади. Туман тушиши мумкин. Қор кўчиши хавфи бор. Ғарбдан эсаётган шамол ўз йўналишини ўзгартириб, шарқдан секундига 7—12 метр тезликда эсади. Кечаси 8—13, кундузи 4—9 даража совуқ бўлади.