Мудофаа вазирлиги марказий аппаратида Ўзбекистон Ёшлар иттифоқининг бошланғич ташкилотини тузиш бўйича таъсис йиғилиши бўлиб ўтди. Бу ҳақда вазирлик матбуот хизмати хабар бермоқда.
Йиғилишда мудофаа вазирининг ҳарбий-ватанпарварлик, маънавий-ахлоқий тарбия ва ёшлар билан ишлаш бўйича ўринбосари полковник Азизбек Икрамов, Ўзбекистон Ёшлар иттифоқи Марказий кенгаши раисининг биринчи ўринбосари Одилжон Тожиев ҳамда мудофаа вазирлиги масъул офицерлари иштирок этди. Дастлаб Ўзбекистон Ёшлар иттифоқининг ярим йиллик фаолиятига бағишланган видеолавҳа намойиш этилди.
Йиғилишда Ўзбекистон ёшлар иттифоқининг Мудофаа вазирлиги бошланғич ташкилоти кенгаши раиси ва кенгашнинг 5 нафар аъзолари очиқ овоз бериш йўли орқали сайланди. Ўзбекистон Ёшлар иттифоқи Марказий кенгаши раисининг биринчи ўринбосари Одилжон Тожиев Ўзбекистон ёшлар иттифоқи мудофаа вазирлиги бошланғич ташкилоти кенгаши раиси майор Сардор Абдусаматовга тантанали равишда Ёшлар иттифоқи гувоҳномасини топширди.
Бошланғич ташкилот кенгашига сайланган ҳарбий хизматчилар ўз иш дастурларини йиғилиш иштирокчиларига етказди.
Изоҳ (0)