«Ўзбекистон ҳаво йўллари» Буюк Британия мустақил сайёҳлик операторлари ассоциацияси — АITО аъзоси бўлди. Бу ҳақда миллий авиакомпания матбуот хизмати маълум қилди.
Бу икки мамлакат ўртасидаги сайёҳлик алоқаларини мустаҳкамлаш ва Ўзбекистоннинг сайёҳлик салоҳиятини Британия бозорида оммалаштиришда муҳим қадам эканлиги билдирилмоқда.
Уюшма аъзолиги «Ўзбекистон ҳаво йўллари» бренди ва мамлакатнинг сайёҳлик маҳсулотларини кенг тарғиб қилиш, шунингдек Буюк Британиядан Ўзбекистонга сайёҳлар оқимини сезиларли даражада ошириш имконини беради.
АITО ўз сафига 120 га яқин ихтисослашган ва мустақил туроператорларни бирлаштирган савдо гуруҳи бўлиб, унинг аъзолари дунёнинг 170 дан ортиқ мамлакатида фаолият юритади. 1976 йилда ташкил этилган ассоциация штаб-квартираси Лондон жануби-ғарбида жойлашган.
Изоҳ (0)