Америка элчихонасининг ходими Мексикадаги Орисаба вулқонининг чўққисига чиқиш вақтида ҳалок бўлди. Бу ҳақда дипломатик ваколатхонага асосланиб Reuters агентлиги маълум қилди, деб хабар беради «ТАСС».
Маълумотларга кўра, Мексика фавқулодда хизмат ходимлари вулқон томон сайрга чиққан элчихонанинг икки нафар ходимини қидириш бўйича операция ўтказган. Сайрга чиққанлардан бири ҳалок бўлган. Нохуш ҳодиса айнан қайси вақтда содир бўлгани номаълум.
Орисаба — Мексиканинг Пуэбла ва Веракрус штатлари чегараси жойлашган уйқудаги вулқон. Унинг баландлиги 5,6 километрга тенг.
Изоҳ (0)