Фотогалерея: Тасвирга олиш жараёнида ишдан бўшатилган актёрлар

Фильмларни суратга олиш мураккаб жараён бўлиб, баъзан бу жараённи актёрларнинг ўзи чигаллаштиради, режиссёр ва продюсерлар уларни фильмдан четлатишга мажбур бўлади. AdMe суратга олиш жараёнида фильмдан четлаштирилган актёрлардан иборат жамланмани тақдим этди.

Натали Портман — Клер Дейнс

14 ёшли Натали Портман «Ромео ва Жулетта» фильмида 21 ёшли Леонардо ДИ Каприо билан рол ижро этиши керак бўлган. Бироқ Наталининг ёши сабабли баъзи саҳналар муваффақиятсиз чиққан. Натижада актриса Клер Дейнс билан алмаштирилган.

Кичик Роберт Дауни — Жорж Клуни

«Гравитация» фильмида асосий роллардан бирини ижро этиши керак бўлган кичик Роберт Дауни бир неча кунлик суратга олиш ишларидан сўнг ролни ўйнашган номуносиб деб топилган. Унинг ўрнига Жорж Клуни олинган.

Меган Фокс — Рози Хантингтон-Уайтли

«Трасформерлар 3: Ойнинг қоронғу томони» фильмининг суратга олиш ишлари жараёнида режиссёр билан юзага келган келишмовчилик сабабли Меган фильмдан четлатилган. Унинг ўрнига Рози Хантингтон-Уайтли ролни ижро этган.

Николь Кидман — Жоди Фостер

«Даҳшатлар хонаси» фильмида асосий ролни ўйнаётган Николь Кидман аввалроқ тиззасидан олган жароҳатининг ёмонлашгани сабабли ролдан воз кечишга мажбур бўлган. Ролни эса Жоди Фостер ижро этган.

Жеймс Ремар — Майкл Бин

«Бегоналар» фильмининг суратга олиш ишлари жараёнида режиссёр Жеймс Кэмерон кутилмаганда Жеймс Ремарни фильмдан четлатган ва уни Майкл Бин билан алмаштирган. Бунинг расмий сабаби сифатида «ижодий келишмовчилик» кўрсатилган. Кўп йиллардан сўнг Ремар ўша вақтда гиёҳванд моддалар сақлагани учун қўлга олинганини тан олган. Графикдан чиқиб кетмаслик учун Кэмерон унинг хизматидан воз кечишга мажбур бўлган.