Fotogalereya: Tasvirga olish jarayonida ishdan bo‘shatilgan aktyorlar

Filmlarni suratga olish murakkab jarayon bo‘lib, ba’zan bu jarayonni aktyorlarning o‘zi chigallashtiradi, rejissor va prodyuserlar ularni filmdan chetlatishga majbur bo‘ladi. AdMe suratga olish jarayonida filmdan chetlashtirilgan aktyorlardan iborat jamlanmani taqdim etdi.

Natali Portman — Kler Deyns

14 yoshli Natali Portman “Romeo va Julyetta” filmida 21 yoshli Leonardo DI Kaprio bilan rol ijro etishi kerak bo‘lgan. Biroq Natalining yoshi sababli ba’zi sahnalar muvaffaqiyatsiz chiqqan. Natijada aktrisa Kler Deyns bilan almashtirilgan.

Kichik Robert Dauni — Jorj Kluni

“Gravitatsiya” filmida asosiy rollardan birini ijro etishi kerak bo‘lgan kichik Robert Dauni bir necha kunlik suratga olish ishlaridan so‘ng rolni o‘ynashgan nomunosib deb topilgan. Uning o‘rniga Jorj Kluni olingan.

Megan Foks — Rozi Xantington-Uaytli

“Trasformerlar 3: Oyning qorong‘u tomoni” filmining suratga olish ishlari jarayonida rejissor bilan yuzaga kelgan kelishmovchilik sababli Megan filmdan chetlatilgan. Uning o‘rniga Rozi Xantington-Uaytli rolni ijro etgan.

Nikol Kidman — Jodi Foster

“Dahshatlar xonasi” filmida asosiy rolni o‘ynayotgan Nikol Kidman avvalroq tizzasidan olgan jarohatining yomonlashgani sababli roldan voz kechishga majbur bo‘lgan. Rolni esa Jodi Foster ijro etgan.

Jeyms Remar — Maykl Bin

“Begonalar” filmining suratga olish ishlari jarayonida rejissor Jeyms Kemeron kutilmaganda Jeyms Remarni filmdan chetlatgan va uni Maykl Bin bilan almashtirgan. Buning rasmiy sababi sifatida “ijodiy kelishmovchilik” ko‘rsatilgan. Ko‘p yillardan so‘ng Remar o‘sha vaqtda giyohvand moddalar saqlagani uchun qo‘lga olinganini tan olgan. Grafikdan chiqib ketmaslik uchun Kemeron uning xizmatidan voz kechishga majbur bo‘lgan.