Суриялик курдлар ғарблик асирларни, хусусан, америкалик журналистларни қийноққа солиш ва қатл қилиш билан танилган ИШИД террорчилик гуруҳи отрядининг сўнгги икки жангарисини қўлга туширди, деб ёзади «ТАСС».
The New York Times америкалик мансабдорларга таяниб маълум қилишича, қўлга олинган Александа Котий ва аш-Шафий Алшайх террорчиларнинг британча талаффузи туфайли Британиянинг мусиқий гуруҳи шарафига номланган тўрт кишилик Beatles отрядига кирган. Уларнинг тўрталаси ҳам ўз вақтида Лондонда яшаган.
Beatles бошлиғи Муҳаммад Эмвазий 2015 йилда авиазарба орқали йўқ қилинган эди. Отряднинг яна бир аъзоси Эйн Дэвис Туркияда ҳибсда сақланади.
Отряд 27 нафар асирни қийноққа солган ва қатл этган, улар орасида марҳум америкалик журналистлар Жеймс Фоули ва Стивен Сотлофф ҳам бор.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)