Ўзбекистон ёш фермерлари кенгаши маълумотларига қараганда, Туркия ҳамкорлик ва мувофиқлаштириш агентлигининг (TIKA) Ўзбекистонда фаолият юритаётган ёш фермерларга ёрдам кўрсатади. Бу ҳақда «Халқ сўзи» хабар берди.
Мазкур келишув ҳақида Тошкентда бўлиб ўтган Ўзбекистон ёш фермерлари кенгаши ва Туркия ҳамкорлик ва мувофиқлаштириш агентлигининг ҳамкорлик учрашувида айтилган.
Эндиликда TIKA’нинг муқобил энергия манбалари ёрдамида суғориш тизимларини ривожлантириш дастури ёш фермерлар фаолиятида жорий этилади. Ушбу инновацион лойиҳа қуёш энергиясидан фойдаланиб, сув чиқиши қийин бўлган майдонларни суғориш имконини беради.
Шунингдек, ёш фермерлар фаолиятида асаларичиликни ривожлантириш бўйича ҳам бир қанча лойиҳалар илгари сурилган. Уларга кўра, Ўзбекистон ёш фермерлари кенгаши TIKA билан биргаликда ёш фермерларга Туркиядан асаларичиликни ривожлантиришда зарур бўладиган замонавий технологияларни ҳам тақдим этади.
Изоҳ (0)