КХДР етакчиси Ким Чен Иннинг кичик синглиси Ким Ё Чжон мазкур ҳафта Пхёнчхан Олимпиада ўйинлари расмий делегацияси таркибида Жанубий Кореяга ташриф буюради. Бу ҳақда 7 февраль, чоршанба куни Корея Республикаси бирлашиш вазирлиги хабар берди, деб ёзади «ТАСС».
«Шимол Корея Меҳнат партияси марказий қўмитаси тарғибот бўлими раҳбари ўринбосари лавозимида фаолият юритувчи Ким Ё Чжон 22 юқори мансабдор шахсдан иборат делегация таркибига киради», — таъкидлайди бошқарма.
4 февраль куни Жанубий Кореянинг қишки Ўйинларидаги Пхеньян делегациясига Олий халқ мажлиси (парламент) президиуми раиси 90 ёшли Ким Ён Нам бошчилик қилиши маълум бўлди. Улар 9 февралдан 11 февралга қадар Жанубий Кореяда бўлади.
Изоҳ (0)