Эрон Олий суди Швеция фуқаролигига эга бўлган, Фламандиянинг Брюссель озодлик университетида ўқитувчилик қилган эронлик Аҳмадризо Жалолийни ўлим жазосига ҳукм қилганини тасдиқлади, деб ёзади «Интерфакс».
Асли эронлик ўқитувчи Жалолий оиласи билан Швецияда истиқомат қилган, аммо Италия ва Бельгияда ҳам дарс берган. Уни 2016 йил апрелида Эронга келган пайтида ҳисбга олишган ва Исроилнинг Моссад махсус хизматлари фойдасига жосуслик қилганликда айблашган. Теҳроннинг маълумотларига кўра, Жалолий Эрон ядро дастури тузилмаларида масъул мансабларни эгаллаган икки эронликнинг ўлимига алоқадор. Уларни автомобилга ўрнатилган бомбалар билан портлатиб юборишган.
У 2017 йилнинг 21 октябрида ўлимга маҳкум этилган. Аммо БМТ ушбу суд ишини ноқонуний деб топиб, Эронни ҳукмни бекор қилиб, олимни озод этишга чақирган.
Халқаро норозиликка қарамай, декабрда ҳукм Эрон Олий суди томонидан тасдиқланди. Бироқ ҳукм ижроси Жалолийнинг апелляцияси туфайли тўхтатиб қўйилди.
Бу апелляция рад этилди ва энди Олий суд қарорини якуний деб ҳисоблаш мумкин. Ҳукм ҳар қандай лаҳзада ижро этилиши мумкин.
Изоҳ (0)