Шакарсиз Coca-Cola ичимлигини истеъмол қилиш инфаркт ва инсультга чалиниш эҳтимолини оширади. Бу ҳақда тиббиёт фанлари доктори Элвира Хачирова сўзлаб берди.
“Бу паст калорияли, шакар ўрнини босувчи эритритдир. Эритритнинг хавфи шундаки, у қон таркибида тромбоцитлар фаоллиги оширишига олиб келади, бу эса ўз навбатида тромб ҳосил бўлиши учун қулай шароит яратади. Шу сабабли, шахсий хавф омилларини ҳисобга олиш ва Coca-Cola’ни ҳатто кам шакарли бўлса ҳам, ҳаддан ташқари кўп истеъмол қилмаслик тавсия этилади”, дейди мутахассис.
Шифокор, шунингдек, юрак-қон томир тизимига салбий таъсир кўрсатадиган бир қатор ичимликларни санаб ўтди.
“Спиртли ичимликлар шулар жумласидандир. Бундай ичимликларни кўп миқдорда истеъмол қилиш айниқса қон босимининг ошишига ва юрак-қон томир касалликлари ривожланиш хавфининг кучайишига олиб келиши мумкин. Шу ўринда, энергетик ичимликлар ҳам хавфлидир. Ушбу ичимликлардаги кофеин ва бошқа стимуляторларнинг юқори миқдори юрак уришини тезлаштириб, турли касалликларни келтириб чиқариши мумкин”, дейди шифокор.
Бундан ташқари, қаҳвани меъёридан ортиқ истеъмол қилиш, айниқса кофеинга таъсирчан одамларда, қон томирлари ва юракка салбий таъсир кўрсатиши мумкин. Мутахассис тез-тез сув ичишни ҳамда газсиз ичимликларни, жумладан шакар қўшилмаган чой, мева ва сабзавот шарбатларини рационга киритишни тавсия қилди.
Изоҳ (0)