«Сирдарё» чегара божхона постида Қозоғистон фуқароси Ержан Сабитовга (исм-шарифи шартли) тегишли қўл юклари холислар иштирокида божхона назоратидан ўтказилди. Бу ҳақда ЎзА хабар бермоқда.
Унда жами учта целлофан пакетга ўралган яшил рангли, ўзига хос ўткир ҳидли, наша гиёҳванд моддасига ўхшаш маҳсулот борлиги аниқланди.
— Е. Сабитов берган кўрсатмаларида ёнидан топилганлар наша ўсимлиги экани, ўзи истеъмол қилиш учун олиб ўтаётганини баён қилди, — дейди вилоят божхона текширувлари ва суриштирув бўлими бош инспектор-суриштирувчиси Тоҳир Файзиев. — Холислар иштирокида унга нисбатан тегишли процессуал ҳужжатлар расмийлаштирилиб, унинг ёнидан топилган гиёҳванд моддасига ўхшаш маҳсулот ашёвий далил сифатида олиниб, вилоят ИИБ эксперт-криминалистика бўлимига етказилди. Мутахассисларнинг хулосасига кўра, у марихуана моддаси экани маълум бўлди.
Ҳозирда мазкур ҳолат бўйича Ержан Сабитовга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Изоҳ (0)