Наманган вилоятдаги ФҲДЁ бўлимлари томонидан жорий йилнинг 27 ноябрь кунидан ҳозирги кунга қадар вилоятдаги барча туман ва шаҳарлардаги 635 та МФЙларда давра суҳбатлари ўтказилди ва муаммолар мавжуд 1865 та хонадонларда тегишли тушунтириш ишлари олиб борилди. Бу ҳақда «Дарё»га вилоят адлия бошқармаси матбуот хизмати хабар берди.
6890 нафар фуқаро иштирок этган давра суҳбатлари жараёнида, ФҲДЁ бўлими ходимлари томонидан оилавий ажралишларни олдини олиш, унинг ҳуқуқий оқибатлари, уни бартараф қилиш, туғилиши қайд қилинмаган болаларни туғилишини қайд қилиш тартиби ҳамда ҳуқуқбузарлик профилактикаси юзасидан тушунтириш ишлари олиб борилди.
Маҳаллаларда ўтказилган йиғилишларда 242 нафар оилавий низоси мавжуд оилалар иштирок этди ҳамда уларни яраштириш чоралари кўрилди.
Наманган вилоятидаги ФҲДЁ бўлимлари томонидан жойларга бориб сайёр тартибда 705 та фуқаролик ҳолати далолатномалари қайд қилинди.
Хусусан, Наманган шаҳар 1-сонли ФҲДЁ бўлими мудири Н.Абитдинова томонидан жорий йилнинг 2 февраль куни уч нафар фуқаронинг илтимоси билан фарзандларининг туғилганлик ҳақидаги гувоҳномалари сайёр равишда Наманган шаҳридаги 2-сонли туғруқхонага бориб топширилди.
Изоҳ (0)