Миллий матбуот марказида ташкил этилган очиқ мулоқот давомида Халқ таълими мутасаддилари ўқитувчиларининг маоши ва таъминотига боғлиқ маълумотларни келтирди. Тадбирда халқ таълими вазири Улуғбек Иноятов иштирок этди, деб хабар беради ЎзА.
Айни пайтда ўқитувчилар тоифасини ҳимоя қилиш ва янги тоифа бериш Вазирлар Маҳкамаси қошидаги давлат инспекцияси томонидан ҳар беш йилда бир марта пуллик асосда маълум синовга кўра амалга оширилади. Аммо оддий мутахассис ва олий тоифали ўқитувчига тўланадиган ҳақ орасидаги фарқ атиги 22 фоизни ташкил этади. Бу ҳам бир томондан адолат мезонларига тўғри келмайди.
Ушбу таклифлар инобатга олинса, мактабларда дарс бераётган оддий мутахассис билан иккинчи, биринчи, олий тоифали ўқитувчига тўланадиган ҳақ орасида сезиларли даражада фарқ вужудга келади. Юқори малака ва иш стажига эга педагог маоши кескин ошади. Бунда директор фонди ҳисобидан тўланадиган устамалар умумлаштирилади. Яъни, устамани директор белгиламайди. Ана шунда тажрибали, яхши ўқитувчиларнинг обрў-эътибори, қадр-қиммати ҳам юқори бўлади.
Шунингдек, табдирда таъкидланишича, Халқ таълими вазирлиги томонидан устоз-мураббийларнинг шаъни, қадр-қиммати ва обрўсини қонуний ҳимоя қиладиган қарор лойиҳаси ишлаб чиқилмоқда.
«Мазкур қарорда чекка-чекка туманларда, ўзи яшайдиган ҳудуддан олисда меҳнат қиладиган ўқитувчиларга уй-жой ажратиш, моддий ва маънавий қўллаб-қувватлаш тизими жорий этилади, — деди Улуғбек Иноятов. — Бу билан халқимиз орасида ўқитувчи деган шарафли касб эгаларининг обрўсини янада ошириш кўзда тутилган».
Изоҳ (0)