Англия шимолидаги Дарем графлигида жойлашган фермалардан бирида беш туёқли қўзичоқ дунёга келди, деб ёзади Daily Mail.
Жониворнинг эгаси у яшаб кетишига ишонмаган, аммо унга Умид деб лақаб берган. Қўзичоқ икки ҳафталик бўлганидан сўнг аёл уни ўзида қолдиришга қарор қилди.
Бешинчи туёқ қўзичоқнинг ёнбошидан чиқиб туради. Бу панжа қолган тўртта соғлом ва ўз жойида турган панжалар каби иккига ажралган.
Одатда мажруҳ бўлиб туғилган жониворлар узоқ яшамайди. Бироқ қўзичоқни кўрикдан ўтказган ветеринар унинг ортиқча туёғини олиб ташлаш ҳожати йўқлигини ҳамда жониворнинг узоқ ва бахтли ҳаёт кечиришга халал берадиган ҳеч нарса йўқлигини айтган.
Изоҳ (0)