Ўзбекистоннинг барча ҳудудларида коворкинг марказларини яратиш режалаштирилмоқда. Бу ҳақда Абдулла Арипов Олмаотада бўлиб ўтаётган «Глобализация даврида рақамли кун тартиби» форумида айтиб ўтди, деб ёзади «Spot.uz».
Унинг сўзларига кўра, лойиҳа 2018 йилдаёқ ишга туширилади. «Бу йил тадбиркорларни рағбатлантириш ва мамлакатнинг барча ҳудудларида коворкинг марказларини яратиш учун бизнес-акселерация дастурини ишга тушириш режалаштирилган», — деди Абдулла Арипов.
Бундан ташқари, бош вазир беш йил давомида дастурий маҳсулотларни экспорт қилиш ҳажмини ўн баробар ошириш ва секторнинг ялпи ички маҳсулотдаги улушини 4 фоизгача етказиш кўзда тутилганини айтди.
«Рақамли иқтисодиёт соҳасида инновацион лойиҳаларни қўллаб-қувватлаш бўйича қўшма венчур фондлари, бизнес-инкубаторларни яратишни назарда тутувчи узоқ муддатли дастурни ишлаб чиқишни таклиф қиламиз», — деди Абдулла Арипов.
Изоҳ (0)