O‘zbekistonning barcha hududlarida kovorking markazlarini yaratish rejalashtirilmoqda. Bu haqda Abdulla Aripov Olmaotada bo‘lib o‘tayotgan “Globalizatsiya davrida raqamli kun tartibi” forumida aytib o‘tdi, deb yozadi “Spot.uz”.
Uning so‘zlariga ko‘ra, loyiha 2018-yildayoq ishga tushiriladi. “Bu yil tadbirkorlarni rag‘batlantirish va mamlakatning barcha hududlarida kovorking markazlarini yaratish uchun biznes-akseleratsiya dasturini ishga tushirish rejalashtirilgan”, — dedi Abdulla Aripov.
Bundan tashqari, bosh vazir besh yil davomida dasturiy mahsulotlarni eksport qilish hajmini o‘n barobar oshirish va sektorning yalpi ichki mahsulotdagi ulushini 4 foizgacha yetkazish ko‘zda tutilganini aytdi.
“Raqamli iqtisodiyot sohasida innovatsion loyihalarni qo‘llab-quvvatlash bo‘yicha qo‘shma venchur fondlari, biznes-inkubatorlarni yaratishni nazarda tutuvchi uzoq muddatli dasturni ishlab chiqishni taklif qilamiz”, — dedi Abdulla Aripov.
Izoh (0)