Ўзбекистонлик чегарачилар томонидан ярадор қилинган қирғизистонлик Бишкекка учиб келди, деб ёзади KNews Қирғизистон чегара хизматига таяниб.
Унинг маълумотларига кўра, қирғизистонлик Асан Усенбаевни қариндошлари кутиб олган. У дарҳол Ўш вилоят касалхонасига тиббий кўрикдан ўтиш учун жўнатилган. Қариндошларининг қарори билан у шу куниёқ Бишкекка учиб кетади. Усенбаевнинг саломатлиги қониқарли деб топилган.
Ҳодиса юзасидан томонларнинг ҳар бири ўз текширувини олиб боради, унинг натижаларига кўра бундан буён чегарада бундай ҳодисалар юз беришига йўл қўймаслик чоралари кўрилади.
Эслатиб ўтамиз, 27 январь куни Жалолобод вилояти Олабука туманидаги Ажек қишлоғи фуқароси давлат чегараси яқинида майда шохли мол боқаётиб, Ўзбекистон ҳудудига ўтиб кетган. Қонунбузар огоҳлантирувчи чақириқларни ва талабларни эътиборсиз қолдиргани учун Ўзбекистон чегарачилари қурол қўллашга мажбур бўлган. Оқибатда Қирғизистон фуқароси чап оёқ сонидан яраланди. Қўлга олингач, у Наманган вилояти Чуст туман касалхонасига ётқизилган.
Изоҳ (0)