Volkswagen одамлар ва жониворлар устида тажрибалар ўтказиш ҳақида қарор қабул қилиниши учун масъул юқори мартабали менежерлардан бирини ишдан четлатди. Бу ҳақда компаниянинг 30 январь, сешанба куни эълон қилинган баёнотида маълум қилинган, деб хабар беради «ТАСС».
Компаниянинг ташқи алоқалар ва ривожланиш масалалари бўйича вакили Томас Штег можаро тафсилотлари аниқлангунча вазифасидан четлатилди.
Германиянинг уч йирик автоконцерни — Volkswagen, BMW ва Daimler томонидан тузилган тадқиқот уюшмаси дизель двигателлари маҳсули бўлган азот диоксидининг инсон саломатлигига таъсирини аниқлаш учун одамлар устида тажрибалар ўтказишни молиялаштиришда иштирок этган.
Volkswagen кўрсатмасига биноан бундай тажрибалар маймунларда ҳам ўтказилган.
Германия ҳукумати 29 январь, душанба куни бундай тажрибаларни кескин танқид қилди ва уларни «ҳеч нарса билан оқлаб бўлмаслиги»ни билдирди.
Изоҳ (0)