Милош Земан Чехияда бўлиб ўтган президентлик сайловининг иккинчи босқичида ғолиб чиқди ва 5 йил муддатга давлат раҳбари этиб қайта сайланди. Бу ҳақда «ТАСС» хабар бермоқда.
Унинг сайловдаги рақиби — мамлакат фанлар академиясининг собиқ раҳбари Иржи Драгош мағлубиятини тан олди ва рақибини табриклади.
Чехия статистика бошқармасига кўра, Милош Земан 51,36, Иржи Драгош эса 48,46 фоиз овоз тўплади. Иккинчи босқичда сайловчиларнинг 66,9 фоизи иштирок этди.
Земаннинг инаугурация маросими 8 март куни мамлакат депутатлар палатаси ва Сенатнинг қўшма йиғилишида бўлиб ўтади.
Изоҳ (0)