Бразилиянинг Форталеза шаҳридаги клубда юз берган отишма оқибатида камида 10 киши ҳалок бўлди, яна олти киши жабрланди. Бу ҳақда «РИА Новости» хабар бермоқда.
Ҳодиса 27 январь, шанба куни тонгда, Форталезанинг қашшоқ даҳаларидан бирида юз берган. Қуролланган шахслар гуруҳи клубга келиб, гап-сўзсиз ички ҳовлини ўққа тута бошлаган.
EFE агентлиги маълумотларига кўра, бу ҳодиса гиёҳванд моддалар савдосига алоқадор гуруҳларнинг ўзаро келишмовчилиги билан боғлиқ бўлиши мумкин.
Globo телеканали ахборотига кўра, тан жароҳати олганлар яқин атрофдаги шифохоналарга ётқизилган.
Изоҳ (0)