Бойлиги 17 миллиард долларга баҳоланган саудиялик шаҳзода ал-Валид ибн Талал «Риц-Карлтон»даги уй қамоғидан озод этилди. Бу ҳақда, ал-Волиднинг оиласидаги манбаларга асосланиб, Reuters агентлиги хабар бермоқда.
«РБК»нинг ёзишича, шаҳзода ал-Волид икки ойдан зиёд вақт давомида «Риц-Карлтон» меҳмонхонасида Саудия подшоҳлик оиласи вакиллари учун тайёрланган уй қамоғида сақланди, ҳозир эса ўз уйида.
Унинг қай шартлар асосида озод этилгани ҳозирча номаълум. Саудия Арабистони маъмурияти мазкур ҳолат юзасидан бирор изоҳ берганича йўқ.
Ал-Волиднинг озод этилгани ҳақидаги хабар Reuters’да шаҳзоданинг интервьюси эълон қилинганидан кўп ўтмай юз берди. Интервьюда шаҳзода тез орада озод этилиши ҳамда тўлиқ оқланишига умид билдирган эди.
Куни кеча Саудия Арабистони раҳбарияти подшоҳлик оиласининг коррупцияга алоқадорлик гумони остида «Риц-Карлтон»да сақланаётган бошқа вакилларини ҳам озодликка чиқарган эди.
Аввалроқ 90 дан зиёд киши, Саудия Арабистони ҳукумати жарима тўлашга рози бўлгани учун, шоҳона ҳибсда озод этилган эди. Хусусан, MBC телеканали раҳбари Волид ал-Иброҳим ҳам худди шундай йўл билан озодликка чиқди.
Изоҳ (0)