Испанияда ўлик эркак моргда «уйғониб», қамоқхонага кетди

Темир ломни ўғирлагани учун қамоқ муддатини ўтаётган испаниялик Гонзало Монтойя моргда ҳушига келди, шундан сўнг яна турма камерасига қайтди, деб ёзади «Газета.ru».

7 январь куни эркакни беҳуш ҳолатда топишган. Монтойяни бир нечта шифокорлар текшириб, ўлганлигини тасдиқлаган.

Сўнг маҳбуснинг жасади моргга келтирилган. У ерда эса эркак «уйғониб», патологоанатомлар диққатини жалб этган ва уларни қаттиқ қўрқитиб юборган. Улар эркак тирик эканлигини эътироф этган.

Монтойя зудлик билан касалхонага етказилган. Шифохонада яна икки ой қолиши мумкин бўлса-да, икки ҳафтадан сўнг эркак қамоқхонага қайтишга қарор қилган.

Маҳбуснинг оиласи ҳодисадан кейин Монтойя озод этилади, деб тахмин қилмоқда. Қариндошлари судлашмоқчи.