Индонезиянинг Матарама шаҳри мери Ахияр Абдух яқинда ишга олинган полициячиларга оёғи билан зарба бериб, уларнинг кучи ва чидамлилигини синаб кўрди. «РИА Новости» ҳолат акс этган видеони тақдим этди.
Ҳодиса Жамоат тартиби агентлигининг янги ходимларини тайинлаш маросимида юз берган. Кун-фу ва бошқа якка кураш турлари бўйича ютуқларга эга бўлган Абдух офицерларни сафга тизган ва ҳар бирининг кўкрак қисмига зарба берган.
Видео тармоқларда тарқалгач, мернинг хатти-ҳаракати танқидларга сабаб бўлган. Жамоат тартиби агентлиги эса бу ҳолатга изоҳ бериб, мернинг ҳаракати унинг тажовузкорлигини ифодаламаслигини, бунинг одатий ҳолат эканлигини маълум қилган. Агентлик раҳбари полициячилар бундай текширувдан ўтишдан бахтли эканлигини қўшимча қилган.
Изоҳ (0)