UzMobile миллий алоқа оператори GSM ва CDMA стандартларининг барча тарифлари бўйича мавжуд абонент тўловларини ўзгаришсиз қолдиради, деб хабар берди «Газета.uz».
UzMobile абонент базаси икки алоқа стандарти бўйича 1,5 миллиондан ортиқ мижозларга эга. Компаниянинг хабарида таъкидланишича, «миллий операторнинг асосий ижтимоий компоненти — абонентларни ҳар томонлама қўллаб-қувватлаш, шу жумладан, аҳолининг барча тоифалари учун тариф режаларини ишлаб чиқиш ва уни амалга оширишдан иборат».
Аввалроқ, Beeline мобил оператори бир қатор тарифларининг кунлик абонент тўловлари миқдорини ошириши ҳақида маълум қилганди.
UMS мобил алоқа оператори эса 23 январь куни ўз тариф ва хизматлари учун нархларни яқин вақтлар ичида кўтариш ниятида эмаслигини билдирди..
Изоҳ (0)