Қирғизистоннинг қарзидан воз кечгандан кўра, мамлакатнинг Иссиқкўлни Россияга ижарага бериши ва шу тариқа ўз қарздорлигини ёпиши ҳақида келишиб олиш керак эди. Бу ҳақда Россия либерал-демократик партияси етакчиси Владимир Жириновский журналистларга айтиб ўтди, деб ёзади KNews.
Бунда гап Қирғизистоннинг Россия олдидаги 240 миллион долларлик қарзи ҳақида бормоқда.
«Яна қарзлардан кечяпмиз — уларни бериш керак эмас. Ҳеч кимга бериш керак эмас, Россия гуллаб-яшнаши керак, шунда улар бахтиёр ва бой мамлакатда яшаш учун бу ерга келади. Акс ҳолда Россия ўртада қашшоқ бўлиб турибди, бошқаларнинг қарзидан эса кечяпмиз», — деди Жириновский.
Унинг сўзларига кўра, Россия Қирғизистоннинг қарзини ёпиш ҳақида иккала томонга ҳам манфаатли бўладиган ҳолатда келишиб олиши мумкин эди.
«Мен Қирғизистонга буни аллақачон таклиф қилгандим: сизда Иссиқкўл кўли бор — уни бизга 99 йилга ижарага беринг, бу эса қарзингиз учун товон бўлади. У ерга биз пенсионер, ногирон ва талабаларимизни бепул жўнатардик», — деди Жириновский.
Изоҳ (0)