Жиззах вилояти ИИБ ЁХБ томонидан Ғаллаорол туманида ёнғинлар профилактикаси тадбирлари ўтказилди, деб хабар беради вилоят ИИБ матбуот хизмати.
Туман ҳудудида жойлашган умумий овқатланиш шохобчаларида ўтказилган профилактик тадбирлар давомида бир қатор камчиликлар аниқланди. Жумладан, «Осиё» умумий овқатланиш шаҳобчасида 50 литр сиғимли 2 та пропан газ баллонларидан хавфсизлик қоидаларига риоя қилинмаган ҳолда фойдаланиш ҳолати аниқланди.
«Обиджон-Қодиржон» умумий овқатланиш шаҳобчасида ҳам синов сертификатига эга бўлмаган пропан газ баллонлари мавжудлиги аниқланди. Тадбир давомида бир қатор умумий овқатланиш шаҳобчаларининг ёнғин хавфсизлиги ҳолати кўздан кечирилиб, табиий газдан фойдаланиш, очиқ оловдан фодаланиш, электр симларини ўрнатиш ва газ плиталаридан хавфсиз фойдаланишга доир жиддий камчиликлар аниқланди.
Ёнғин хавфсизлиги ходимлари томонидан объектда ёнғин хавфсизлигини таъминлаш учун амалга оширилиши лозим бўлган ишлар хусусида тушунтириш ишлари олиб борилиб, эслатма ва йўриқномалар тарқатилди. Носоз, ностандарт, синовдан ўтмаган газ баллонларидан фойдаланиш ҳолатларига чек қўйилди.
Изоҳ (0)