2017 йил давомида Ўзбекистон ФҲДЁ органларида 306 197 та ниҳок қайд қилинган. Бу кўрсаткич 2016 йилга нисбатан 31 149 та ёки 11 фоизга кўпайган. Бу ҳақда Адлия вазирлигининг Telegram’даги «Ҳуқуқий ахборот» канали маълум қилди.
Энг кўп никоҳлар Самарқанд (38 308 та), Фарғона (33 922) ва Қашқадарё (31 767) вилоятларида қайд қилинди. Ушбу вилоятлар аҳоли сони 3 миллиондан ошган Ўзбекистондаги 4 та вилоят таркибига киради.
Никоҳланувчи шахслар тиббий кўрикдан ўтаётганида Ўзбекистоннинг барча ҳудудларида ОИТСга чалинганлар қайд қилинган. Бир йил ичида никоҳдан ўтаётган 500 дан ортиқ кишида ОИТС касаллиги аниқланди.
Тошкент шаҳрида тиббий кўрикдан ўтиш вақтида 115 киши (22 фоиз)да ОИТС касаллиги қайд этилган бўлса, Тошкент ва Андижон вилоятида 69 кишида (13,2 фоиз) ҳамда Самарқанд вилоятида 68 кишида (13 фоиз) аниқланган.Мавзуга доир: 2017 йилги Ўзбекистон: 20 ёшгача турмуш қурган қизлар йигитларга нисбатан 24 баробар кўп
Никоҳланувчи шахслардан бири таносил касаллиги ёки одамнинг иммунитет танқислиги вируси (ОИВ касаллиги) борлигини иккинчисидан яширганда, агар иккинчиси судга шундай талаб билан мурожаат этса, никоҳ ҳақиқий эмас деб топилиши мумкин.
Изоҳ (0)