19 январнинг эътиборга молик янгиликлари — «Дарё»нинг кечки дайжестида.
1. Қозоғистон—Россия йўлида 77 ўзбекистонликнинг ўлимига сабаб бўлган уч ҳодиса. Асосий маълумотлар. Ақтўбеда 18 январь куни юз берган фожианинг камида 29 қурбони наманганлик экани айтилмоқда.
2. Ўзбекистонда ўртача ойлик иш ҳақининг энг паст кўрсаткичи — Наманганда. Қозоғистонда автобусда ёниб кетганларнинг камида 29 нафари — Намангандан. Автобус ўз йўловчиларини Россияга олиб кетаётган эди.
3. Шавкат Мирзиёев Ҳаким Термизий мақбараси зиёрати чоғида Ақтўбеда ҳалок бўлганлар ҳақига дуо қилди. Президент 19 январь куни Сурхондарёга ташрифини Термиздаги пиллахона билан танишишдан бошлади. Новвойхонада бўлди. Ангор туманида лойиҳалар билан танишди.
4. Тошкент шаҳрида Суриядаги террорчи ташкилотларга одам ёллашга уринган икки шахс қўлга олинди. 23 нафар фуқаро қўлга олинганлар таъсирига тушишга улгурган, ҳозир уларга нисбатан тергов ҳаракатлари олиб борилмоқда.
5. Ўзбекистонда 2017 йилда камида 50 йиллик турмушидан сўнг 23 оила ажрашиб кетди. Улар орасида 67 йил бирга яшаган жуфтлик ҳам бор. Ушбу ахборот Ўзбекистон Адлия вазирлиги томонидан эълон қилинди.
6. Ўзбекистон U23 терма жамоаси Япония термасини йирик ҳисобда таслим қилиб, Осиё чемпионати ярим финалига йўл олди. Ўйин Қозоғистонда ҳалок бўлган 52 ўзбекистонлик хотираси учун бир дақиқалик сукут билан бошланди.
Изоҳ (0)