Ёзувчи Стивен Кинг асарларининг ноёб нусхалари, шу жумаладан, қўлёзмалари АҚШнинг Мен штатида жойлашган китоб дўконларидан биридаги ертўлада қувур ёрилиши оқибатида зарарланган ёки бутунлай йўқ бўлган. Бу ҳақда «РИА Новости» хабар берди.
Ҳодиса Бангор шаҳрида юз берган. Зарарланган дўкон хўжайини бир йилдан кўпроқ вақт давомида Кингнинг китоблар коллекциясини кўргазмага қўйган ва сотган. 20 йил давомида йиғилган коллекциянинг асосий қисми ертўлада сақланган.
Дўкон эгаси ҳанузгача зарарни ҳисобламоқда. Унинг сўзларига кўра, Кингнинг еттита муаллифлик қўлёзмаси бутунлай йўқ бўлган.
Маълумотларга кўра, нафақат мазкур дўкон эгаси, балки қўшни дўкон ҳам зарар кўрган. Унга етган зарар миқдори 50 минг долларни ташкил қилган.
Изоҳ (0)