Оқ уй бош шифокори Ронни Жексон журналистларга Трампнинг саломатлиги «аъло даражада» эканлигини маълум қилди, деб ёзади «MK.ru». Аммо мухбирлар президентнинг бош мияси билан боғлиқ муаммолар ёки деменция (ақли заифлик) белгилари бор ёки йўқлиги ҳақида саволлар бера бошлади.
«Трампда мияга алоқадор муаммолар борлигини кўрсатувчи белгилар йўқ. Трамп ўз фикрларини аъло даражада баён этади, унинг онги ўткир», — деди бош шифокор.
Жексоннинг сўзларига кўра, президентнинг руҳий ҳолатини кўрикдан ўтказиш дастлаб режалаштирилмаган, аммо Трампнинг ўзи уни ўтказишни талаб қилиб туриб олган. Жексон, шунингдек, АҚШнинг 45-президенти соғлом ва ғоятда серғайрат эканлигини маълум қилди.
Изоҳ (0)