Тошкент шаҳар ИИББ валютани ноқонуний айирбошлаш билан боғлиқ жиноят юзасидан маълумот берди.
15 январь куни Тошкент шаҳар ИИББга фуқаро Умаров Баходир Сафарович ариза билан мурожаат қилиб, унда Нодир исмли шахс валюта қимматликларини қора бозор нархида қонунга хилоф равишда олиш-сотиш билан шуғулланиб келаётганини билдириб, унга нисбатан қонуний чора кўришни сўради.
Ушбу ариза асосида шу куни Тошкент шаҳар ИИББ ходимлари томонидан юқорида кўрматилган шахсни қўлга олиш борасида тезкор тадбир ўтказилиб, унинг натижасига кўра соат 20:00 ларда Олмазор тумани ҳудудида Ғаниев Нодиржон Абдухалилович фуқаро Б.С. Умаровга 7000 долларни 57750000 сўмга ноқонуний равишда сотган вақтида ашёвий далил билан ушланди.
Ҳолат юзасидан Н.А. Ғаниевга нисбатан тегишли ҳужжатлар расмийлаштирилди.
Аризачининг анкета маълумотлари ўзгартирилган бўлиб, фамилия ва исмларнинг ҳар қандай ўхшашлиги тасодифий характерга эга.
Изоҳ (0)