Ўзига ишонмаслик қандай пайдо бўлади ва уни қандай енгиш мумкин? 

Ўзига ишонмаслик қандай пайдо бўлади? Бунинг сабаблари ўтмишда бошдан кечирилган муваффақиятсизлик ёки болалик хотиралари бўлиши мумкин.

Ўтмишдаги хатолар

Улар ўзимизга бўлган муносабатимизни бутунлай ўзгартиради, айниқса агар бирон бир жиддий воқеа содир бўлган бўлса. Масалан, муносабатларнинг жиддий бузилиши ёки ишдан бўшаш. Лекин ўтмишни ўзгартириб бўлмайди. Эски хатоларга тақалиб қолманг, аксинча улардан хулоса чиқаринг.

Тарбия

Агар ота-онангиз ҳар доим сиздан норози бўлган ва ўқитувчилар эса фақат баҳоларингизни муҳокама қилган бўлса, сиз болаликдан ўзингизга ишонмаслик одатига ўрганган бўлишингиз мумкин. Лекин энди сиз катта одам бўлдингиз ва бу фақат сизнинг ҳаётингиз. Энди сиз ота-оналар ва ўқитувчиларнинг маъқуллашига интилишингиз керак эмас.

Ўзини бошқалар билан таққослаш

Ўзимизни биздан кўра муваффақиятлироқ бўлган ҳамкасбларимиз билан таққослаймиз. Натижада умидсизликка тушамиз ва ўзимиздан жаҳлимиз чиқади. Муаммонинг ечими жуда оддий — ўзингизни қадрлашга ўрганинг.

Бошқа томондан олиб қаралганда, баъзан ўзини бошқалар билан таққослаш фойдали. Қандай фазилатлар сизга етишмаслигини билиб олинг ва уларни ривожлантиринг.

Нотаниш вазият

Бу вазиятда сиз қандай жавоб қайтаришни ва ундан нимани кутишни билмайсиз. Табиийки, ўзига ишончсизлик пайдо бўлади. Бундан сиз бирон бир янги нарсани ўрганиш имконияти сифатида фойдаланинг. Ўзингизга, хато қилиш — бу нормал ҳолат эканлигини эслатиб туринг. Хатолар туфайли биз ўрганамиз.

Ўтмишдаги муваффақият

Унинг таъсирида сизда бошқа ҳеч қачон ундан кўра яхшироқ нарса қила олмасликдан қўрқиш ҳисси пайдо бўлади. Бу муваффақиятни қандай такрорлаш ҳақида ўйламанг. Қандай қилиб ўзингиздан ўтиб кетишни ўйланг. Ўзингизнинг кучли томонларингизни ривожлантиринг.

Манба: «Zdorovie.com»