Кўпинча биз олдига қўйилган вазифаларни яхши бажарадиган, олий маълумотга эга ва дунёқараши кенг бўлган одамларни ақлли деб айтамиз.
Бу ҳақиқатан ҳам юксак ақл-идрокнинг жуда ўзига хос белгилари ҳисобланади, лекин улардан ташқари бошқа белгилар ҳам бор.
Рўйхатни текшириб кўринг — балки кўпчилиги айнан сизнинг шахсингиз турига мос тушиши мумкин.
Эмпатия
Юксак ақл-идрок ҳар доим эмпатиянинг юқори даражаси билан боғлиқ. Баъзи руҳшуносларнинг таъкидлашича, эмпатия — бу телепатия томонга бўлган тўғри йўл экан. Ақлли одамлар суҳбатдоши ҳозир нима деб айтишини олдиндан билиши бежиз эмас-да ахир.
Ўз-ўзини назорат қилиш
Ақлли одам ўзининг беихтиёр қиладиган ҳаракатларини енгиш қобилиятига эга бўлади. Режалаштириш, аниқлаш, мувофиқ ҳаракат йўлини топиш — ақлли одам шу фазилатлари билан аҳмоқ одамдан фарқ қилади. Бундан ташқари, ақл-идрокнинг юксак даражаси эгасига нохушликларни улар бошланмасдан олдин бартараф қилишга имкон беради.
Ҳазилни тушуниш
Гарвард университети олими Адвита Бихарининг айтишича, ақлли одамлар ҳазилни яхши тушунади. Нью-Мексико Университетида ўтказилган тадқиқотларнинг бири бу хулосани тасдиқлади: одам қанча ақллироқ бўлса, унинг ҳазиллари шунча кулгилироқ бўлади.
Сергаклик
Денвердаги руҳшунос профессор Фрэнк Чжу сергаклигини сақлай оладиган одамлар жуда ақлли бўлишини ишонч билан таъкидлайди.
Мослашувчанлик
Ақлли одамлар жуда уддабурон ва ҳар қандай янги шароитга мослашиш қобилиятига эга бўлади. Ақл-идрок одамга кўникмаган вазифаларнинг уддасидан чиқиш ва янги яшаш муҳитига мослашиш учун ўз одатларини ва юриш-туришини тез ўзгартиришга ёрдам беради.
Тунги бойқуш
Маълум бўлишича, «бойқушлар» «тўрғайлар»дан кўра ақллироқ бўлар экан. Бу 2009 йилда руҳшунослар томонидан исбот қилинган. Фақат атайлаб режимни ўзгартириш керак эмас, чунки бу иш бермайди.
Манба: «Zdorovie.com»
Изоҳ (0)