Статистика маълумотларига кўра, ер юзида йўл-транспорт ҳодисаларининг ҳар бештадан биттаси ҳаракатланиш вақтида ҳайдовчининг уйқусираши ёки ухлаб қолиши сабабли содир бўлади.
Кўз юмилиш жараёни одатдаги ҳолатда жуда тез ва мутлақо сезиларсиз юз беради. Лекин бу жараён тезда ухлаб қолишингиздан ва машинани тўхтатишингиз кераклигидан дарак беради.
Сизга кўриш қобилиятингиз панд беради
Йўлдаги нарсаларнинг фарқига бормай қоласиз: сиз бир тасвирни кўрасиз, лекин ҳаракат давомида у ўзгаради ёки умуман йўқолади. Бу, кўзингиз ҳали ҳам атрофдаги маълумотларни қайд қилаётганини, лекин мия уни қабул қиладиган аҳволда эмаслигини, яъни уйқуга кетаётганини билдиради.
Сизнинг кўриш қобилиятингиз
Илгари сиз нигоҳингизни йўлдан машина асбоблари кўрсаткичларига осон ўтказгансиз. Ухлай бошлашингиз билан эса кўзларингиз янги шароитга тез мослаша олмай қолади ва асбобларнинг ҳамма кўрсаткичларини илғашингиз қийин бўлади.
Миянгиз ялқовлик қила бошлайди
Узоқ йўл, сокин мусиқа. Рулдаги одам бирон бир нарсани ўйлаб кўриш, қарор қилиш, ҳатто гаплашишга ҳам эриниб қолади. Ҳаракатланиш вақтида ҳар доим гаплашиб кетиш керак, иложи борича ҳаяжонли мавзуларда. Мия ишлаши, «ухлаб қолмаслиги» учун доимий равишда унга тинчлик бермаслик керак.
Сиз майда ҳаракат қоидаларини бузишга йўл қўясиз
Сиз йўл белгисини пайқамай қолдингизми? Бир-икки марта яқин масофа ёритгичини ёқишга улгуролмадингизми? Демак, мия аста-секинлик билан «уйқуга кетаяпти».
Изоҳ (0)