Дам олиш кунлари яхшилаб дам олиш, вақтичоғлик қилиш ва ҳатто вақтингизни фойдали ишларга сарфлаш учун сизда ҳамма имкониятлар мавжуд.
Фото: «Лайфхакер»
Туғилган шаҳрингизни яхшироқ ўрганиш
Дам олиш кунлари — шаҳар бўйлаб экскурсияга чиқиш, ўлкашунослик музейига бориш ёки ўзингизга нотаниш бўлган кўчаларда сайр қилиш учун жуда яхши имконият ҳисобланади.
Дўстларни тўплаш
Совуқ пайтлари ҳар доим қор остида ёки шамолда сайр қилиш ҳаммага ҳам ёқавермайди. Бундан чиқиш йўли — ҳеч қандай сабаб ва баҳоналарсиз уйингизда дўстларингизни йиғиш.
Эски буюмларни ажратиш ва сотиш
Кўпчилигимизнинг уйимизда чанг босган кераксиз эски буюмлар тўпланиб қолади. Бу буюмларни муҳтож кишиларга тарқатиш ёки интернет орқали сотиш мумкин. Дам олиш кунлари шу ишлар билан шуғулланиш учун жуда мос келади.
Фотосессия уюштириш
Бир умрлик эсдалик бўлиб қолиши учун ҳаётингизнинг ёқимли лаҳзаларини расмга туширишга ҳаракат қилинг.
Бирон-бир ўзига хос таом тайёрлаш
Бироз мураккаброқ, ажойиб таомни танланг ва тайёрлашни бошланг. Таомни ресторандагидек безанг, шамларни ёқинг. Дам олиш кунлари — ҳар доим сиз билан бирга бўладиган байрам ҳисобланади.
6. Болалар билан бирга вақт ўтказиш
Болалар билан бирга янги мультфильм кўриш учун кинотеатрга, болалар театрига, зоопаркка, планетарийга ёки музейга боришингиз мумкин.
7. Спорт билан шуғулланиш
Спорт залига ёки фитнес-клубга боришингиз ёки уйда ўзингиз учун хоҳлаган машқларингизни танлашингиз ҳам мумкин.
8. Китоб ўқиш
Дам олиш кунларини анчадан бери ўқишни орзу қилиб юрган ажойиб детектив асарни маза қилиб ўқиш билан ўтказинг.
Изоҳ (0)