Маданият вазирлиги, туризмни ривожлантириш қўмитаси ва «Техно Даргоҳ» МЧЖ томонидан амалиётга татбиқ этилаётган VERUM QR ҳамкорликдаги лойиҳаси доирасида Самарқанд ва Шаҳрисабз шаҳридаги сайёҳлик объектлари QR-кодлар билан таъминланди, деб хабар беради туризмни ривожлантириш қўмитаси матбуот хизмати.
Мазкур QR-кодлар сайёҳларга бир неча сония ичида тарихий объект, яқин ҳудудда жойлашган меҳмонхона, ресторан ва бошқа диққатга сазовор масканлар ҳақида маълумот олиш имконини беради. Маълумотлар 12 тилда тақдим этилади.
VERUM QR лойиҳаси Ўзбекистонни смарт-туризм ва туризм соҳасида IT-технологиялари кенг қўлланиладиган мамлакат сифатида халқаро туризм майдонида танитишга қаратилган.
Изоҳ (0)