Madaniyat vazirligi, turizmni rivojlantirish qo‘mitasi va “Texno Dargoh” MChJ tomonidan amaliyotga tatbiq etilayotgan VERUM QR hamkorlikdagi loyihasi doirasida Samarqand va Shahrisabz shahridagi sayyohlik obyektlari QR-kodlar bilan ta’minlandi, deb xabar beradi turizmni rivojlantirish qo‘mitasi matbuot xizmati.
Mazkur QR-kodlar sayyohlarga bir necha soniya ichida tarixiy obyekt, yaqin hududda joylashgan mehmonxona, restoran va boshqa diqqatga sazovor maskanlar haqida ma’lumot olish imkonini beradi. Ma’lumotlar 12 tilda taqdim etiladi.
VERUM QR loyihasi O‘zbekistonni smart-turizm va turizm sohasida IT-texnologiyalari keng qo‘llaniladigan mamlakat sifatida xalqaro turizm maydonida tanitishga qaratilgan.
Izoh (0)