Колониал империялар ҳанузгача мавжуд: Замонавий дунёда 50 дан ортиқ мустамлака бор

Буюк мустамлакачи давлатлар охирги юз йилликда кучли «озиб кетганлиги»га қарамасдан, дунёнинг замонавий сиёсий харитасида ҳанузгача метрополиялар ва мустамлакалар мавжуд. Бугун бу ҳудудлар турлича: денгиз орти департаментлари, денгиз орти ҳудудлари ёки инкорпорация қилинмаган ҳудудлар деб номланади. Мустамлакалар ҳатто ўз байроғи ва бошқарув органларига эга бўлиши мумкин. Бироқ бу билан мазмун ўзгармайди: мустамлакалар ва уларнинг туб аҳолиси у ёки бу даражада ўз метрополияларига қарам ҳамда сиёсий суверенитетга эга эмас, деб ёзади TravelAsk.

Замонавий дунёда 50 дан ортиқ мустамлака мавжуд. Уларнинг соҳиблари ўз денгиз орти ҳудудларидан воз кечишга шошилмайди. Келинг, бугунги кунда қай бир метрополия энг кўп мустамлакага эга эканлигини кўриб чиқамиз.

1. Буюк Британия

Британия империясининг аввалги буюклигидан кам қисми қолган. Шунга қарамасдан, бугун Буюк Британия сайёранинг барча асосий минтақаларида мустамлакаларга эга.

Европа: Ла-Манш бўғозида Жерси ороли, Ла-Манш бўғозидаги Гернси ороли, Ирланд денгизидаги Мэн ороли, Пиреней яримороли жанубидаги Гибралтар шаҳри, Кипр оролидаги ҳарбий базалар — Акротири ва Декелия.

Атлантика океани: Бермуд ороллари, Муқаддас Елена ороли, Меърож ороли, Тристан-да-Кунья архипелаги, Жанубий Америка соҳилларидаги Фолкленд ороллари (Аргентина билан баҳсли ҳудуд), Жанубий Георгия ва Жанубий Сандвич ороллари (Аргентина билан баҳсли ҳудуд).

Кариб денгизи: Ангиля ороллари, Кайман ороллари, Монцеррат ороли, Британия Виргин ороллари, Теркс ва Кайкос ороллари.

Тинч океани: Питкерн ороллари — Тинч океани жанубий қисмидаги бешта орол.

Ҳинд океани: Британиянинг Ҳинд океанидаги ҳудуди — 55 та оролдан иборат гуруҳ. Мустамлака БМТнинг 1965 йилги қарорига қарамасдан ташкил этилган, Сейшель ороллари ва Маврикий билан баҳсли.

2. Франция

Яқин вақтларгача Франция Африка ва дунёнинг бошқа минтақаларида бепоён ҳудудларга эга эди. Бугун мамлакатларнинг аксарияти мустақилликка эришди, бироқ Франция ҳозирга қадар кўп сонли денгиз орти ҳудудлари соҳибидир. Бу ҳудудлар аҳолиси Буюк Британия «мустамлака фуқаролари» сонидан ортиқ.

Жанубий Америка: Аҳолиси 240 минг киши бўлган Француз Гвианаси.

Атлантика океани: Сен-Пьер ва Микелон ороллари.

Кариб денгизи: Гваделупа орол давлати, Мартиника ороли, Сен-Бартелеми ороли, Сен Мартен.

Ҳинд океани: Реюньон ороли, Мозамбик бўғозидаги Майотта ороли (Комор ороллари билан баҳсли), Амстердам ороли, Сен-Поль ороли, Крозе ороли, Кергелен архипелаги, Эпарсе ороли (улардан аксарияти қўшни давлатлар билан мунозарали).

Тинч океани: Уоллис ва Футуна ороллари ҳудуди, Янги Каледония, 280 минг кишига яқин аҳолиси бўлган Француз Полинезияси, Клиппертон ороли.

3. Америка Қўшма Штатлари

Қўшма Штатлар мактаб дарсликларида колониал империя сифатида кўрсатилмаган, бироқ бугунги кунда айнан мазкур давлат қарам аҳолиси сони (4 миллиондан ортиқ одам) бўйича энг йирик метрополиядир.

Кариб денгизи: Қўшма Штатлар Виргин ороллари, эркин қўшилган давлат Пуэрто-Рико — АҚШ Конгресси томонидан бошқариладиган, аҳолиси 3,7 миллион кишидан иборат давлат.

Тинч океани: Гуам ороли, Шимолий Мариан Ороллари, Америка Самоаси (Шарқий Самоа), тўққизта орол гуруҳидан иборат Ташқи кичик ороллар, АҚШга эркин қўшилган давлат — Маршалл ороллари.

4. Нидерландия қироллиги

Бугунги кунда Нидерландиянинг фақат Кариб денгизида мустамлакалари қолган. Бу Аруба ороли, Кюрасао ороли, Муқаддас Мартин оролидаги Синт Мартен давлати ва Кариб Нидерландияси (Бонейр, Синт, Эстатиус, Саба ороллари).

5. Португалия

Ўтмишда нуфузли Португалия империяси бугун Атлантика океанида бор-йўғи икки денгиз орти мустамлакаси: 270 минг аҳолиси бўлган Мадейра ороли ва 250 мингга яқин аҳолиси бўлган Азор оролига эга.

6. Испания

Бугун Испания деярли барча мустамлакаларини йўқотди, унинг мамлакатдан унча узоқ жойлашмаган бир нечта мустамлакаси қолди, холос.

Атлантика океани: Канар ороллари.

Ўрта Ер денгизи: Африканинг Ўрта Ер денгизи соҳилидаги Сеута ва Мелилья шаҳарлари, шунингдек, Алусемас, Чафаринас, Перехиль, Альборан ороллари.

Мазкур ҳудудларнинг барчаси сиёсий суверенитет ва шахсий қуролли кучларга эга эмас, уларнинг хавфсизлиги метрополия армияси томонидан таъминланади.