YouTube’да эълон қилинган видеода россиялик аскар тасодифан «БТР-82А» танкини ёқиб юборганини тан олган. Бу ҳақда TJournal хабар берди.
Ҳодиса 2017 йилнинг май ойида юз берган. Сафдор аскар Семён Мережников машғулотлар чоғида ниқобловчи тўр ва қуруқ ўтлар билан ёпилган танкни пайқамасдан, унинг ёнида гулхан ёққан. Юзага келган ёнғин БТРни, шунингдек, қурол ва ҳарбий анжомларни йўқ қилган. Ҳодиса оқибатидаги зарар 28 миллион рублни (490 минг доллар) ташкил қилган.
Сентябрь ойида ҳарбий горнизон суди аскарга олти ойлик ахлоқ тузатиш қисмига жўнатиш тарзида жазо берган.
Изоҳ (0)