Испания шимолида ўликхона ходимлари жасад солинган қопдан хуррак овозини эшитди. Бу ҳақда «Газета.ru» хабар бермоқда.
Астурия провинциясидаги қамоқхонанинг 29 ёшли маҳбусини қўриқчилар камерада жон аломатларисиз аниқлади. Уч шифокор томонидан кўрикдан ўтказилганидан сўнг эркак ўлган деб қайд этилди ва ўликхонага етказилди.
Жасадни ёришдан бир неча дақиқа аввал ўликхона ходимлари хуррак овозини эшитиб, қопни очди ва эркак ўзига келди. Унга оёққа туришига ёрдам берилди ва касалхонага етказилди.
Тиббий муассасада унга каталепсия — ички ва ташқи таъсирларга сезувчанликнинг йўқолиши ташхиси қўйилди.
Изоҳ (0)