Мактабгача таълим вазири Агрепина Шин Тошкент шаҳрининг Сергели ва Яшнобод туманларидаги 598 ҳамда 240-сонли мактабгача таълим муассасаларига режалаштирмаган ҳолда ташриф буюрди, деб хабар берди UzDaily.
Мактабгача таълим муассасасларини (MTM) ўрганиш жараёнида маълум бўлдики, Сергелидаги 598-сонли боғча белгиланганидан ортиқ тўлиб кетган ва навбатда туриш ҳолати бўлишига қарамай, муассасанинг бир қисмида маҳалла қўмитаси жойлашгани аниқланган. Вазир томонидан Тошкент шаҳридаги мактабгача таълим Бош бошқармаси раҳбариятига ушбу хоналарни боғчага қайтариш бўйича кўрсатма берилди.
Яшнобод туманидаги 240-сонли мактабгача таълим муассасасида эса кун режими, санитария меъёрлари, болаларни сақлаш қоидаларига риоя қилишда қоидалари бузилганлиги аниқланди. Шунингдек, вазирлик раҳбариятида мазкур MTMдаги болаларнинг овқатланиши борасида ҳам саволлар пайдо бўлди. 240-сонли болалар боғчасининг мудирига интизомий чоралар қўлланилди.
Мактабгача таълим вазири камчиликларни тезда бартараф этиш, мактабгача таълим муассасаларини таъмирлаш ва болаларнинг ҳар томонлама ривожланиши учун шарт-шароитларни яхшилаш бўйича кўрсатмалар берди.
Изоҳ (0)