«Дарё» таҳририятига 1 ёшдан ошган Абдулазизнинг онаси ёрдам сўраб мурожаат қилди. Айни кунда унинг фарзанди оқ қон ташхиси билан шифохонада даволанмоқда.
Гематология ва қон қуйиш илмий-тадқиқот институти маълумотномасига кўра, Абдулазиз институтнинг 1-болалар бўлимига 2017 йилнинг 27 июль куни жойлаштирилган.
Унинг ташхиси: чуқур лимфобласт лейкоз, 1-фаол даври. Онасининг сўзларига кўра жорий йилнинг 26 июнь куни таҳлил топширилганида, қонда оқ қон доначалари кўп экани ҳақида малум бўлган.
«Келганимизда аҳволи оғир эди. Тўрт марта қон қуйишди, 6 маротаба тромба қўйилди, 2 марта плазма қуйилди, 5 бора кимё терапиясини олди. Энг кучли антибиотик – анбизол олди. Ҳозирда аҳволида ўзгариш бор. Иккинчи курс тугади. Учинчи курс кучли кимё терапия муолажаларини оляпти. Кўп бора қон қуйишди. Аҳволида ижобий ўзгаришлар бор.Яна иккита курсимиз бор. 87 фоизлик оқ қон ташхиси қўйилган. Москвага таҳлил жўнатганимизда, у ердан ҳам оқ қон жавоби келган. Ҳозир яна иккита курс оламиз, битта курсда 6 та кимё терапияси олади. Кейин ҳар 15 кунда кимёвий муолажалар олиб юраркан. Дорилари жуда қиммат. Кимё терапия курслари муолажалари учун ва Германия, Ҳиндистон ёки Россияда операция ўтказиш учун жуда катта маблағ талаб этиларкан. Яхши инсонлардан моддий ёрдам сўраяпман», — дейди Абдулазизнинг онаси.
Барча саҳоватпеша инсонлардан Абдулазизга ёрдам беришларини сўраб қоламиз!
Онасининг телефон рақами: +99897422 2119
Ҳисоб рақами: Агробанк 8600 0417 4651 3598 Ташмухамедова Наргиза.
Россияда ва бутун дунёдагилар учун электрон ҳисоб рақами: 4890-4944-11565765.
Мурожаат учун Достонбек: +7967 6329890
Жанубий Кореядаги саҳоватпеша инсонлар учун ҳисоб рақами: 3561172-707223
Бакиэв Шоҳруҳ
Телефон рақами:+821059436174
Изоҳ (0)